70’000 Fidanë dhe 222 ton Pleh Kimik për Fermerët Shqiptarë Skip to main content

Kthehuni në listën e plotë të lajmeve

70’000 Fidanë dhe 222 ton Pleh Kimik për Fermerët Shqiptarë

17 korrik 2018

Tiranë, Shqipëri. Deri në fund të Prillit 2018, Gazsjellësi Trans Adriatik (TAP) ka dhuruar mbi 16,000 fidanë dhe përafërsisht 57’000 kg pleh kimik fermerëve të prekur nga ndërtimi i gazsjellësit.  Kjo iniciativë është pjesë e programit Asistenca për Jetesën dhe Mbështetja Tranzitore të TAP. Kur të përfundojë, shpërndarja e fidanëvesi dhe plehut kimik do të arrijë shifrën e 222 ton pleh kimik dhe 70’000 fidanëve.

Krahas kompensimit me vlerën e plotë të humbjeve të shkaktuara nga projekti, në përputhje me praktikën më të mirë ndërkombëtare, Pprogrami i TAP Asistenca për Jetesën dhe Mbështetja Tranzitore synon të rehabilitojë jetesën e të gjithë personave të ndikuar nga projekti dhe, aty ku është e mundur, ta përmirësojë atë pas përfundimit të punimeve për ndërtimin e gazsjellësit.

Vangjel Bixheku, fermer në zonën e Roskovecit thotë: “Toka është kthyer në gjendjen e mëparshme dhe nuk kuptohet nëse TAP ka kaluar apo jo. Gjithashtu TAP na ka dhënë ullinj të rinj dhe pleh kimik dhe tarracat janë sistemuar si më parë.”

Arjola Tola, Drejtuesja e Menaxhimit të Tokës për TAP në Shqipëri tregon: “Nëpërmjet Asistencës për Jetesën dhe Mbështetjen Tranzitore,  TAP ndihmon drejtpërdrejt në rehabilitimin e jetesës së fermerëve të prekur nga ndërtimi i gazsjellësit. Deri më tani, ne kemi inspektuar 65 % të parcelave bujqësore të përshkuara nga tubacioni për të konfirmuar se kthimi i tokës në gjendjen e mëparshme është kryer në përputhje me standardet më të larta. Gjithashtu, një pjesë e fidanëve të pemëve frutore dhe plehut kimik është shpërndarë tek fermerët. Dhurimi i fidanëve dhe plehut kimik do të nisë përsëri në muajin Tetor të këtij viti, në përputhje me praktikat më të mira bujqësore dhe sezonin optimal për mbjelljen e pemëve frutore. "

 

Asistenca për Jetesën dhe Mbështetja Tranzitore është një program vullnetar i TAP i cili përmban aktivitete si:

  • Ndihma dhe monitorimi në fillimin e përmirësimit sa më të shpejtë të veprimtarisë bujqësore pas përfundimit të ndërtimit të gazsjellësit;
  • Analiza e kampionëve të tokës për të informuar mbi kulturat e përshtatshme që mund të mbillen dhe kërkesës së plehrave kimike;
  • Shpërndarja e fidanëve dhe plehut kimik;
  • Zgjerimi bujqësor për të promovuar praktikat e përmirësuara të fermerëve dhe produktivitetin e fermave;

  • Ndihma për plotësimin e dokumentacionit të pronësisë mbi tokën për të lejuar kompensimin;
  • Trajnimi për menaxhimin e të ardhurave; dhe
  • Mbështetja e përkohshme për personat në nevojë.

TAP do të ofrojë ndihmë dhe mbështetje për kthimin e jetesës si në gjendjen e mëparshme apo edhe më mirë, për një periudhe dy deri në tre vjeçare nga përfundimi i ndërtimit sipas rasteve specifike.

FUND

 

Rreth Gazsjellësit Trans Adriatik (TAP)

TAP-i do të transportojë gaz natyror nga fusha gjigante e Shah Denizit II, në Azerbajxhan, në Evropë. Tubacioni, i gjatë 878 km, do të lidhet me Gazsjellësin Trans Anatolian (TANAP) në kufirin turko-grek, në Kipoi, duke kaluar përmes Greqisë, Shqipërisë dhe detit Adriatik, përpara se të mbërrijë në brigjet e Italisë së Jugut.

Rruga që përshkon TAP-i mund të lehtësojë furnizimin me gaz të disa vendeve të Evropës Juglindore, përfshirë Bullgarinë, Shqipërinë, Bosnjën dhe Hercegovinën, Malin e Zi, Kroacinë dhe të tjera vende. Dalja në tokë e TAP-it, në Itali, ofron mundësi të shumta për transportimin e mëtejshëm të gazit natyror të Kaspikut në disa nga tregjet më të mëdha evropiane, si Gjermania, Franca, Britania e Madhe, Zvicra dhe Austria.

TAP-i do të nxisë zhvillimin ekonomik dhe krijimin e vendeve të punës përgjatë rrugës së tubacionit; ai do të jetë një burim i madh i investimeve të huaja direkte dhe kjo nuk varet nga grante apo subvencione. Pas shitjeve të para të gazit në Gjeorgji dhe Turqi, të synuara për fund-vitin 2018, prurjet e para në Evropë do të fillojnë përafërsisht me fillim-vitin 2020.

Aksionarët e TAP-it janë BP (20%), SOCAR (20%), Snam S.p.A. (20%), Fluxys (19%), Enagás (16%) dhe Axpo (5%).

Kontakt për Median: agim.fjolla@tap-ag.com

Më shumë rreth TAP: Twitter | Facebook | Instagram | YouTube